خطايى ، على اكبر
238
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
دفترلرينه قيد ايدوب اصلا مال و مناعلرينه تعرض ايتمزلر ايمش و مرقومون نقل ايدرلر كه كنهكار اولديغمزده بزه تعيين اولنان مكان اونايكى قسم خطا زنداننك اواخرنده ايدى و زندان مزبورك اولندن كيروب معين اولان مكانمزه وار نجه وسعت و طولندن يوريلوب بيطاقت اولدق و زندانلرك بيوك قيوسندن داخل اولدقكه ذكر اولنديغى اوزره ايكى نوع نوع ديوانخانهلر بنا اولنمشكه مجرملرك كناهلرينى انده تفتيش و تفحص ايدرلر و هر ديوانده اميرلرك برى امير كبير در كه ديوانخانه نك صدرنده اوتوروب احوالى على التحقيق معلومات ايدينور و ايكى امير باتوقيرك برى مشار اليهك صاغنده و برى صولنده اوتوررلر و مومى اليهمانك صاغده كيسى امين و صولده كيسى كاتب ديواندر و مشار اليهمك اوچيدخى وزرا و امرانك اعدل و اكرم و افضل و اعلميدر و حكايت ايدرلر كه اول اميرلره مصلحتلرندن فارغ اولدقلرنده عيش و نوش و استراحتلريچون باغلر و باغچهلر و بستانلر و سايهدار اغاجلر التنده و نزهتلريچون لطيف صفهلر و اوكلرنده واسع ميدانلر و جنت مثال مكانلر وضع ايتمشلردر فصل و هركون صباحلين ديوان خاقانده مصالحلرين كوردكد نصكره هر امير و وزير مصلحتلرى اوزرينه كيدرلر امراى زندان دخى ديوانخانهلرينه واروب زندانلرنده اولان كنهكارلرى ديوانخانهلرينه كتوروب احوالنى تفحص ايدرلر و هر برنيك مراتبنجه كمينه شكنجه و كمينه طياق اوروب بو ولايتلرده اولان سياستلر خلافى بو غازينه قورشوندن كران طوقلر كچوروب و كمينك بوغازينه تابوت مثال تختهلر و اياقلرينه قورشوندن كران بوقاغولر اوررق و كمينى صاچندن اصوب اللرينى و پرمقلرينى اتشه اوررق اياقلرينى قزغين كويه صوفرلرشويله كه سختئ عقوبتدن بيهوش اولوب كورنلر هلاك اولدى قياس ايدرلر و بزلر زندانك ديوانخانهلرينى و باغ و بستانلرينى و امراء زندانى و كروه كروه خلقى ديوانخانهلره كتوروب و بعضيسنى چقاروب و كميسنه شكنجه ايتدكلرينى كوروب ترسان و لرزان كيدرك بر ديوانخانه يه يتشدك كه جمله زندان ديوانخانه لرينك مقدمى اولوب و انده اولان امراء خواص خاقان چين ايمش بزلر دخى سابقا خاقانك حضورينه وارديغمزدن بزلر دخى خواص عداولنوب اول ديوانخانه ده اولان وزرا حضورينه كتوروب اوتورتديلر و مسافر اولانلر انلرك ياننده مرديان صحرايى و روستايى عداولنور و كندولرك قومى كبى انلردن ادب و حرمت و قانونلرينه رعايت مأمول ايتمزلر چون امراسنك اوكنه واروب اوتوررق دست و پايمزه بندلر اوروب حبسخانه يه ايلتديلر و حبسخانه